Kryeministri Edi Rama ka udhëtuar drejt Abu Dhabi, Emiratet e Bashkuara Arabe, ku është pritur në një takim nga Princi i Kurorës Sheikh Mohamed Bin Zayed Al Nahyan.
Rama njofton në rrjetet sociale se vizita ka të bëjë për Rindërtimin dhe Konferencën Donatorëve në Bruksel.
Në vizitën e tij në Abu Dhabi, Rama shoqërohet nga ministri i Rindërtimit, Arben Ahmetaj, por edhe nga këshilltari i tij, Endri Fuga.
Pak ditë më parë qeveria publikoi shifrën zyrtare mbi dëmet e shkaktuara nga tërmeti, në shumën e 985 mln eurove.
Konferenca e Donatorëve në Bruksel do të mblidhet me 17 shkurt.
