Juventusi luan sot në orën 20:45 në transfertë kundër Veronës.
Bardhezinjtë do të kërkojnë fitoren duke marrë parasysh se rivalët direkt për titull, Interi, përballet nesër në derbin kundër Milanit.
Por përballë Juventusit, do të jetë një skuadër solide siç është Verona, të cilët nuk njohin humbje prej shtatë ndeshjesh. Skuadra e Kumbullës dhe Rrahmanit renditen në mesin e tabelës me 31 pikë dhe vijnë pas 2 ndeshjeve të vështira atyre ndaj Milanit dhe Lacios, të dyja të mbyllura në barazim.
Për Juventusin për të plotësuar sulmin përkrah Ronaldos, besohet të rreshtohet Paulo Dybala në rolin e qendër sulmuesit ndërsa Ronaldo i spostuar në krahun e majtë.
Te Hellas Verona, dy shqiptarët tanë janë të paprekshëm. Vendësit pritet të kenë një sulm pa pikë referimi, të udhëhequr nga Verre, i mbështetur nga Pessina dhe Zaccagni.
Formacionet e mundshme:
Verona (3-4-2-1): Silvestri;Rrahmani, Gunter, Kumbulla; Faraoni, Amrabat, Veloso, Lazovic; Pessina, Zaccagni; Verre
Juventus (4-3-3): Szczesny; Cuadrado, De Ligt, Bonucci, Alex Sandro; Bentancur, Pjanic, Rabiot; Douglas Costa, Dybala, Cristiano Ronaldo.
