Një tjetër person është arrestuar në lidhje me përplasjen me armë zjarri të regjistruar mbrëmjen e të mërkurës në Shkodër, duke e çuar në 4 numrin e të prangosurve gjithsej.
Personi i arrestuar është shtetasi Liridon Lushi 27 vjeç, banues në lagjen Tepe, Shkodër.
Ky person është vënë në pranga pasi gjatë veprimeve hetimore ka rezultuar qe më ndërmjetësinë e këtij shtetasi, personat e arrestuar kanë shkuar në Shkodër, ku dhe kanë shkëmbyer zjarr më armë, me shtetasin Mersad Meta.
Dje në pranga u vunë tre shtetasit Ardjan Rexha, 31 vjeç, banues në Durrës, Ension Buraku, 28 vjeç, banues në Durrës dhe Riad Xheladini, 22 vjeç, banues në Shkup, Maqedoni. Ndërsa në kërkim u shpall shtetasi Mersad Meta, 26 vjeç, banues në fshatin Berdicë, Shkodër.
Dy durrsakët dhe shkupjani qëlluan me armë zjarri ndaj shkodranit, i cili dhe ky iu është kundërpërgjigjur me armë zjarri. Nga hetimet dyshohet se këta shtetas kishin konflikte të hershme me njëri -tjetrin.
Nga përplasja me armë mbeti e plagosur aksidentalisht në këmbë shtetasja Liljana Jeremia pasi ishte thjesht një kalimtare që ka kaluar rastësisht në vendngjarje.
Sipas burimeve të policisë së Shkodrës ngjarja dyshohet se ka lidhje dhe me eksplozivin që iu vendos në makinë efektives së policisë në Durrës, Ornela Buraku, më 27 janar 2020. Dyshohet se ajo është motra e Ension Buraku i arrestuar, i cili e lidh këtë sulm ndaj motrës së tij me 26 vjeçarin.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
Përplasja në Shkodër/ Zbardhen detajet, nga Durrësi dhe Shkupi për të vrarë shkodranin (EMRAT)
