Këngëtarja e njohur Alida Duka i ka dhënë fund lidhjes së dashurisë pak para se të martohej me një menaxher, të cilin e përshkroi si “bosin e Francës”, pasi i kishte dhuruar një orë me 10 diamante. Kjo ngjarje ka ndodhur shtatorin që lamë pas.
Në një intervistë asokohe Alida ishte shprehur se:
“Lidhja me francezin Xavier ishte një lidhje shumë e veçantë për mua, e cila la gjurme tek unë. Për këtë arsye publikova dhe këngën ‘Krejt me harru’ para ca kohësh.Dikush që nuk diti të vlerësojë vlerat që unë kam, nuk ka edhe pse të jetë me mua. Çdo gjë tjetër materiale nuk më hyn në sy, sepse e kam ndërtuar gjithçka vetë dhe jam krenare për këtë. Karakteri është mbi të gjitha, ajo çfarë unë vlerësoj shumë.”- u shpreh Alida.
Pyetja që ngacmon kureshtjen e fansave tashmë është: A e ka gjetur dashurinë këngëtarja?
Alida ka qenë e ftuar ditën e djeshme në emisionin “Rreze Dielli” në Report Tv dhe tha se ndihet e lumtur edhe pse nuk e ka gjetur ende njeriun e zemrës.
“Jam shumë e lumtur, sepse gjithcka që kam ndërtuar, e kam ndërtuar vetë. Jam e lumtur edhe pse njeriun e zemrës nuk e kam gjetur akoma. Jam shumë konfuze te kjo gjë, por nuk dua ti jap shumë rëndësi. Nëse vjen mirë, nëse s’vjen, nuk dua t’ja di. Përsa i përket historisë së shkuar nuk më mungon. Si mund të kem një person, kur çdo lidhje do kohën e vet dhe unë nuk e kam këtë kohë. Sigurisht më mungon një person për të dalë për një darkë, për të folur për të përditshmen”, thotë këngëtarja.
Kujtojmë që Alida është motra e këngëtarit të njohur Stine.
