Europa që “respektoi” Ramën e Gadafin…!

Nga Boldnews.al

Deri pak muaj para se diktatori kontrovers i Libisë Muamar Gadafi të vritej nga rebelimi i popullit të tij, ai priste e përcillte personalitete të botës së zhvilluar Europiane. Po ashtu vizitonte edhe vendet e Bashkimit Europian, por kjo nuk e zhvishte atë nga diktatura, shtypja dhe mungesa e demokracisë në vendin që ishte “lider suprem”.

Kur i erdhi fundi, të gjithë i kthyen shpinën! Edhe kryeministri shqiptar Edi Rama pritet e përcillet në kancelaritë më të rëndësishme Europiane. Hyn e del në dyert e bardha të Uashingtonit, por kur vjen çështja për integrimin e mëtejshëm të vendit drejt BE-së, ia bëjnë të qartë: Shqipëria është vend i korruptuar dhe ka probleme serioze me krimin e organizuar dhe trafikun e drogës.

Si mjeshtër i propagandës idiote, që e hanë vetëm Rilindasit me tru të larë e tharë nga majmja prej pushtetit, Rama po tenton të shesë dështimin e qeverisë së tij sikur Europa nuk do Shqipërinë të integrohet.

Sot nuk eksportojmë në botë pikturat me kuçedra të kryeministrit, por vetëm popull të pashpresë që kapin kampet e azilantëve të luftës, eksportojmë drogë që ka shqetësuar pa masë policitë e cendeve të BE-së dhe ofrojmë një pasiguri të frikshme nga lojërat e ulëta ballkanike për “shkëmbim territoresh”, ku në këtë shfaqje të rrezikshme gjithnjë del në skenë kryeministrit Edi Rama.

Por ende në Shqipëri, ka për fatin e keq shumë qytetarë që mendojnë se nëse politika Europiane nuk e dëshiron Ramën dhe mbi të gjithë është kritike për qeverisjen e tij, atëherë përse e presin me ceremoni zyrtare?

Është thjesht çështje protokollare, por edhe e një politike standarde Europiane e cila vende të vogla si Shqipëria i mban nën tutelë vetëm për të mos kaluar në ekstreme dhe konflikte, duke synuar stabilokraci dhe jo demokraci. Pak u intereson në politikën e madhe të vendeve të zhvilluara se është një vend ku shkilen liritë dhe të drejtat e njeriut, ku korrupsioni është forma qeverisëse dhe ku oligarkia ka mbërthyer prej fyti edhe atë pak ekonomi që ka Shqipëria.

LEXO EDHE  “E zhdapte gruan në dajak”, fqinjët për Zhidrun: Ziheshin e griheshin, problematik edhe në pallat

Rama është përfaqësuesi i një shteti, që lundron mes demokracisë hibride dhe tentativës për të kaluar në një vend diktatorial, me kapjen e të gjithë pushteteve të pavarura, hartimin e ligjeve specifike kundër lirisë së medias dhe pandëshkueshmërinë e zyrtarëve të lartë shtetëror për shkak të kontrollit edhe të gjoja “drejtësisë së re”. .

Kryeministri Edi Rama e di mirë këtë, që ai kurrsesi nuk është i preferuar nga politika ndërkombëtare, por mbahet prej tyre vetëm nga frika se vendi i vogël mund të sjellë trazira të mëdha. Gjithashtu vetë Rama kur ikën nga bota haluçinative është koshient se askush nuk ja miraton politikat që ndjek, por gjithashtu askush nuk mund të dalë hapur dhe të deklarojnë se kemi të bëjmë me një personazh i cili është në kufijtë e instalimit të autoritarizmit të theksuar në Shqipëri.

Forma më e mirë për ti thënë shqiptarëve që nuk e meritoni qeverisjen që keni është pikërisht bllokimi i vendit për integrimin e metejshëm drejt BE-së. Megjithatë, kjo nuk mund të zgjasë pafundësisht. Kur në Libi shpërtheu dhuna nga vetë qytetarët, bota i ktheu shpinën Gadafit, këtij “lideri” që e kishin pritur e përcjellë me ceremoni…!