Një ngjarje e rëndë ndodhi ditën e sotme ku dy mësues humbën jetën në Memaliaj ndërsa ktheheshin nga puna, ndërsa dy të tjerë u plagosën rëndë.
Lidhur me këtë ngjarje ka reaguar edhe ish-deputetja e PD, Albana Vokshi, e cila thekson se mësuesit janë viktimat e radhës së korrupsionit arsimor.
Vokshi i ka bërë thirrje Ministrisë së Arsimit që të bëjë transparente fondet për transportin e mësuesve dhe nxënësve, ndërsa institucionet të hetojnë skandalin me buxhetin e transportit.
Reagimi i Vokshit:
Dy mësues humbën jetën sot në një aksident tragjik në Memaliaj
I ndjeri Leonard Sako dhe e ndjera Ornida Hoxha, së bashku me dy kolegë të tyre po ktheheshin nga shkolla me një automjet privat sepse Ministria e Arsimit nuk ju siguron transport mësuesve dhe nxënësve, në shkelje të hapur të legjislacionit për arsimin parauniversitar.
Dy mësuesit e Memaliajt janë viktimat e radhës të korrupsionit shtetëror që ka shkatërruar në qelizë institucionet arsimore dhe i ka shndërruar mësuesit e edukatorët në skllevër.
Shpreh ngushëllimet e mia të sinqerta familjeve të dy mësueseve që humbën jetën në detyrë.
Ministria e Arsimit të bëjë transparecë për fondet e transportit të mësuesve dhe nxënësve. Institucionet përgjegjëse, të hetojnë skandalin me buxhetin e transportit.
