Aventura e Neymarit te Paris Saint-Germain, deri më tani ka pasur më shumë anë negative sesa suksese.
Që kur erdhi nga Barcelona për 222 milionë euro në vitin 2017, 28-vjeçari ka vuajtur nga një seri dëmtimesh. Gjatë kësaj kohe ai ka humbur rreth 60 ndeshje.
E fundit ishte ajo të martën kundër Nantes, ndeshje e cila u luajt 2 ditë pas festimeve që lojtari pati për 28-vjetorin e tij. Arsyeja zyrtare e klubit për mungesën, ishte që lojtari vuante nga një dëmtim i ijeve, por kjo është hera e tretë radhazi në tre vitet te PSG-ja, që ai ka munguar në ndeshjet pas ditëlindjes së tij.
E gjitha filloi në vitin 2018. Nr.10 ishte duke bërë mirë në Paris, ai kishte shënuar 12 gola në tetë ndeshje dhe kishte shmangur dëmtimet.
Por pasi skuadra mundi Lille, dhe shënoi, Neymar, vendosi të festoi 72 orë para një ndeshje me Sochaux. Tërheqja e tij nga skuadra u quajt si një vendim teknik nga Unai Emery, i cili vetë ishte pjesëmarrës në festë pasi, sipas fjalëve të tij, ishte “një natë e rëndësishme për të gjithë ekipin” .
Katër ditë pas asaj ndeshje, Neymar u kthye kundër Toulouses.
Më 23 janar 2019, braziliani pësoi një dëmtim të këmbës së tij të djathtë që e detyroi atë të braktiste fushat e lojës për tre muaj, por ai e festoi ditëlindjen e tij pavarësisht se ishte në paterica dhe u filmua duke kërcyer. Përsëri, të gjithë shokët e tij të skuadrës dhe Thomas Tuchel morën pjesë në festë.
Por festimet u rikthyen në vitin 2020. Megjithatë këtë vit, Tuchel, nuk mori pjesë në festë dhe madje e kritikoi kohën e saj, duke thënë se “nuk është shumë e dobishme të festosh 48 orë para një ndeshje”.
