Ish-drejtori i Policisë Erzen Breçani, ka zbuluar në ‘Opinion’ se çfarë i ka thënë Lulzim Berisha në momentin e arrestimit.
Ndërsa diskutohej për Operacionin Forca e Ligjit dhe sekuestrimin e pasurive të kriminelëve, Breçani ka zbuluar një fakt interesant se si mund ta fshehin kriminelët pasurinë.
Breçani tha se në momentin që ka arrestuar Lulzim Berishën i ka thënë që do t’i konfiskojnë pasurinë, por përgjigja e të arrestuarit ka treguar se si fshihet pasuria tek persona të tretë.
‘Në momentin që e kam arrestuar i kam thënë se do të të konfiskohet edhe pasuria. Por e dini se çfarë më tha? Unë tha kam frikë vetëm një njeri ën Shqipëri, dhe ai është Sali Berisha sepse nuk pranon të bashkëpunosh. Unë tha e kam atë formim që dy troje që kam të miat i kam shitur dhe asnjë lloj pasurie nuk më gjeni’, deklaroi Breçani.
