Perditesuar/ Një aeroplan pasagjerësh doli nga pista në një aeroport të Turqisë, duke u ndarë në tri pjesë dhe duke shkaktuar vdekjen e një personi. Ministri i Shëndetësisë i Turqisë, Fahrettin Koca, tha 157 vetë janë plagosur.
Incidenti ndodhi në Aeroportin Sabiha Gokcen të Stambollit.
Aeroplani i përkiste kompanisë Pegasus Airlines, ndërsa në bord gjendeshin 171 pasagjerë dhe gjashtë anëtarë të ekuipazhit. Shumica e udhëtarëve ishin turq, ndërsa rreth 20 prej tyre shtetas të huaj. Sipas mediave lokale, aeroplani ateroi në shi të madh, pasi fluturoi nga provinca perëndimore e Izmirit. Zjarrfikësit dhe ekipet e urgjencës u dërguan menjëherë në vendngjarje, thanë zyrtarët.
A passenger plane of Pegasus Airlines gets off the track at Sabiha Gökçen Airport in #Istanbul
The plane seems to have received some damage due to the incident. pic.twitter.com/dXxBap0I4B
— EHA News (@eha_news) February 5, 2020
***
Shpërthen avioni me 171 pasagjerë në Stamboll, mbi 50 të plagosur (PAMJET DRAMATIKE)
Një aksident i rëndë ajror ka ndodhur mesditën e sotme në Stamboll, në Turqi. Një avion pasagjerësh i linjës “Pegasus Airlines” ka dalë nga pista në aeroportin Sabiha Gokçen në Stamboll dhe është ndarë në tre pjesë.
Sipas medias vendase, avionic ka shpëthyer. Në bordin e avionit kishte 171 pasagjerë, midis të cilëve edhe 6 anëtarë të ekuipazhit.
Për fat të mirë, nga ky incident nuk raportohen për viktima. Pegasus Airlines konfirmoi se nuk ka viktima nga aksidenti.
Sipas raportimeve ka 52 të plagosur. Dy nga të lënduarit, pjesë e ekuipazhit raportohet se ndodhen në gjendje të rëndë.
Mësohet se avioni po vinte nga Izmiri.
Ministri i Transportit Turhan vuri në dukje se pas aksidentit, një numër i mjaftueshëm ambulancash u dërguan në vendngjarje dhe më shumë ambulanca do të dërgoheshin nëse do ishte e nevojshme. /BN/
