Juventusi përgjatë të gjithë sezonit ka vuajtur në aspektin difensiv, duke pësuar lehtësisht gola, diçka e pazakontë kjo për klubin bardhezi.
Problemet më të mëdha shfaqen në krahët e mbrojtjes, duke bërë që Juan Cuadrado të mbulojë këto pozicione edhe pse nuk është pozicioni i tij natyral.
Sipas mediave italiane Maurizio Sarri i ka kërkuar drejtorit sportiv, Paratici, për të tentuar mbrojtësin e krahut të majtë, Emerson Palmieri nga Chelsea.
Bëhet fjalë për një operacion për verën e ardhshme për një lojtar që Sarri e njeh mirë dhe e admiron, mbrojtësin italian. Ky transferim nuk do të jetë aspak e lehtë, pasi 25-vjeçari është titullar të “blutë e londrës” dhe do të nevojitet një ofertë prej 40 milionë eurosh për të tunduar drejtuesit e klubit anglez.
