Chelsea dhe Manchester United janë në kërkim të shërbimeve të futbollistit të Borussia së Dortmundit, Jadon Sancho.
Anësori 19-vjeçar anglez, pas rezultateve të shkëlqyera që po korr me verdhezinjtë, është një nga lojtarët më të dëshiruar nga klubet e mëdha në Europë.
Trajneri i “Bluve”, Frank Lampard, ishte i interesuar që të nënshkruante ne Sanchon që në merkaton e janarit, por u detyrua të dorëzohej pasi një ofertë serioze e drejtuesve londinezë në drejtim të Dortmundit mungoi. – raporton “SunSport”.
Nga ana tjetër “Djajtë e Kuq” janë në rindërtim total të skuadrës dhe sigurimi i një talenti si Sancho do të hidhte një hap të sigurt drejt së ardhmes.
Sancho iu bashkua Dortmundit në gushtin e vitit 2017 nga Manchester City për 8 milionë paundë ndërsa ishte vetëm 17-vjeç.
Këtë sezon ai ka shpërthyer duke shënuar 12 gola dhe duke dhënë 12 asiste. Skuadra të tjera që ndjekin lojtarin janë edhe Liverpool, Real Madrid e Barcelona.
