Tre interpelanca me ministrin e Brendshëm, Sandër Lleshaj, ministren e Drejtësisë, Etilda Gjonaj dhe ministri i Turizmit, Blendi Klosi, pritet të zhvillohen sot në Kuvend. Interpelanca e parë është me ministrin Lleshaj, e kërkuar nga deputeti Artur Roshi. Kjo interpelancë ka të bëjë me dëbimin e mësuesit turk, Harun Çelik, por edhe për çështje të tjera, përfshirë kanabisin.
Interpelanca e dytë është kërkuar nga 7 deputetë të opozitës së re me ministren e Drejtësisë, Etilda Gjonaj për situatën në burgje, emërimet, shkarkimet, lirimin e Endrit Dokles por edhe rastin e ‘shëtitjes’ së Dritan Dajtit në “ish-Bllok”.
Kjo u pasua nga disa pezullime dhe largime nga funksionet të zyrtarëve të burgjeve, por jo të Drejtorit të Përgjithshëm, edhe pse u raportua se ky i fundit kishte firmosur urdhërin.
Interpelanca e tretë është thirrur po nga deputetët e opozitës së re me ministrin Klosi për dëmtimet serioze të sipërfaqeve të mëdha pyjore halore në rrethin e Korçës, Kolonjës, Pukës, Mirditës, Peshkopisë nga procesionaria.
Gjithashtu, në orën 15:00, Kuvendit do t’i drejtohet me një fjalë përshëndetëse Presidenti i Parlamentit Europian, që nis sot një vizitë zyrtare në Tiranë.
