Nuk e priti mirë zëvendësimin, Tuchel: Mbappe mund të ndëshkohet për gjestin e bërë

PSG-ja fitoi bindshëm me rezultatin 5-0 kundër Montpellier, në ndeshjen e vlefshme për javën e 22-të të Ligue 1 në Francë.

E vetmja gjë negative gjate ndeshjes ishte në momentin kur Kylian Mbappe u zëvendësua nga trajneri Tuchel. Francezi, në minutën e 69-të i la vendin Mauro Icardit dhe në lidhje me këtë zëvendësim ai u shfaq tepër i zhgënjyer, madje duke i kërkuar llogari trajnerit.

Në lidhje me këtë incident, foli dhe Thomas Tuchel i cili deklaroi: “Dikush duhet të vendosë se kush largohet nga fusha e lojës dhe kush aktivizohet, dhe ai person jam unë”.

“Mbappe është shumë inteligjent, ai e din se çfarë bën. Si çdo lojtari tjetër edhe atij nuk i pëlqen të zëvendësohet, por ne nuk jemi i vetmi klub që na duhet të merremi me këto gjëra. Gjithmonë do të vendos se në të mirën e skuadrës dhe këtë ia shpjegova dhe Mbappe-s”.

Ndërsa në lidhje me mundësinë e një mase ndëshkuese për yllin skuadrës, trajneri gjerman tha: “Nuk e di, më duhet të mendoj. Vendimin do ta marr nesër”.

https://www.youtube.com/watch?v=SAm0jbCajs8

LEXO EDHE  Newcastle ofron 40 milion euro për Hazard