Shkarkime me ose pa motivacion, presion për të dhënë dorëheqjen ose ulje në detyrë, kjo është ajo çfarë po ndodh në bashkinë Selenicë këto ditët e fundit.
Janë rreth 70 punonjës që tashmë janë shkarkuar nga detyra ndërsa motivacionet variojnë nga mungesa e shkollimit brenda fushës, mospërmbushje plani pune, reduktim të fuqisë punëtore e deri në mungese të kodit të etikës.
Ndërsa ndaj një pjese tjetër të të shkarkuarve nuk përmendet motivacion.
Një pjese e punonjësve të shkarkuar i janë drejtuar tashmë gjykatës administrative të rrethit gjyqësor Vlorë, ndërsa nga këta të fundit nuk ka një numër të saktë të punonjësve që tashmë kanë ankimuar çështjen e shkarkimeve.
Kryebashkiaku Pëllumb Binaj është justifikuar në disa raste, duke thënë se shkarkimet janë bërë për shkak të përfundimit të kontratave, pavarësisht se gazetarja e Fax Neës Afrovita Hysaj raporton se nga largimet nga puna janë prekur dhe punonjës që gëzojnë statusin e nënpunësit civil.
Një pjesë e shkarkimeve janë kryer në mënyrë selektive dhe pa paralajmërim, çka të bën të dyshosh se ka një plan të për kryer emërime politike në radhët e punonjësve të Bashkisë. /Faxweb/
