Elseid Hysaj nuk preferohej aspak nga ish-trajneri i Napolit, Ancelotti. Ndërsa tani me Gattuson ai është rikthyer si titullar si në kohën e Mauricio Sarrit.
Mbrojtësi shqiptar, së fundmi ka dhënë një intervistë për “Sky Sport”, ku ka deklaruar se te skuadra e Napolit kishte shumë probleme brenda dhe jashtë fushe në kohën kur skuadrën e drejtonte Carlo Ancelotti. 25 vjeçari gjithashtu ka thënë se trajneri aktual Gennaro Gattusso, ka rikthyer qetësinë dhe përqëndrimin në skuadër.
“Gattuso po na jep shumë në planin sportiv. Më duhet të pranoj se përpara se të mbërrinte ne kishim shumë probleme brenda fushës së lojës dhe jashtë saj. E gjithë ajo kohë ishte humbje kohe”.
Çfarë na kërkon ne lojtarëve? “Të japim gjithmonë maksimumin, në stërvitje dhe gjatë ndeshjeve”.
Më pas për ndeshjen kundër Sampdorias, Hysaj shtoi: “Duhet të marrim të tre pikët kundër Sampdorias, duam të sjellim në shtëpi fitoren. Duhet të provojmë që ne jemi Napoli dhe që mund të fitojmë ndaj çdo kundërshtari”.
