Ish-Kryeministri Sali Berisha ka reaguar ashpër ndaj një deklarate të Kreut të Qeverisë, Edi Rama, i cili gjatë një vizite në spitalin e Vlorës, duke iu përgjigjur akuzave lidhur me koncensionet në shëndetësi tha se “deri dje ua hapnin barkun me pinca”.
Berisha në një postim në rrjet shprehet se vjedhja e ka degjeneruar Ramën më shumë se psikoza dhe droga. “Barku nuk është hapur kurrë me pinca, por vjedhja me PPP e sterilizimit të ka verbuar sytë e mendjes”, thekson Berisha në reagimin e tij.
Në reagimin e tij, Berisha shkruan se të thuash se deri dje hapnin barkun me pinca, gjë që nuk ka ndodhur as në kohën e Hipokratit dhe as xherrahve të mesjetës, do të thotë ose je i semurë psiqik i degraduar tërësisht ose je një injorant absolut ose vjedhja të ka decerebruar (hequr trurin) plotësisht sepse njeri në botë normal një deklaratë të tillë nuk i lejon kurrë vetes ta bëjë!.
Reagimi i Sali Berishës:
Vjedhja të ka degjeneruar më shumë se psikoza dhe droga Edvin! Barku nuk është hapur kurrë me pinca, por vjedhja me PPP e sterilizimit të ka verbuar sytë e mendjes!
Miq, “Deri dje ua hapnin barkun me pinca”, kjo deklaratë u bë dje para mjekëve në Vlorë! Por jo në spitalin e psiqiatrisë nga një skizofren i degraduar. Ajo nuk u bë nga njeri injorant absolut që sot nuk ekziston, por kjo ishte deklarata e njeriut të degraduar në shkallë ekstreme nga vjedhja, kreu i meduzës Edvin Kristaq Hajnia, vetëm e vetëm për të justifikuar vjedhjen e tmerrshme që bëri me mikun e tij murator të parave të takspaguesve shqiptarë.
Të thuash se deri dje hapnin barkun me pinca, gjë që nuk ka ndodhur as në kohën e Hipokratit dhe as xherrahve të mesjetës, do të thotë ose je i semurë psiqik i degraduar tërësisht ose je një injorant absolut ose vjedhja të ka decerebruar (hequr trurin) plotësisht sepse njeri në botë normal një deklaratë të tillë nuk i lejon kurrë vetes ta bëjë!
Me një deklaratë të tillë për të justifikuar vjedhjen e tmerrshme në kurriz të të sëmurëve, Edvin Mafia, fyen dhe poshtëron jo vetëm një vend dhe një popull, të cilët ai i urren vetëm e vetëm se i vjedh si përbindësh por fyen edhe qindra e qindra mjek e kirurgë që në dhjetëra mijëra operacione të tyre kanë shpëtuar dhjetëra mijëra jete! Vjedhja të ka hedhur trutë e hajdutit. Rama zhduku!
