Nga Ilir Allkja
Sot kryeministri i vendit u shfaq përsëri duke mbrojtur hapur konçensionet korruptive edhe pse një pjesë e tyre janë kallëzuar në SPAK për arsye të dhënies së tyre në shkelje të hapur të ligjit mbi prokurimet publike, kostos shumëfish më të lartë si dhe impaktit katastrofik të tyre mbi financat e vendit më të varfër të rajonit !
Duke u përpjekur të bindë çetën e derdimenëve që i shkopjnë pas , sepse çdo njeri që mendon me kokën e tij e ka kuptuar se paratë e shqiptarëve po vidhen fare hapur , Edi Rama flet për sallat kirurgjike, sterilizimin e infeksionet sikur të ishte ky babai i vetë mjekësisë!
A thua mjekësia në Shqipëri lulëzoi mbas vitit 2013, kur kryeministër u bë Edi Rama !?
Jo zotëri, mjekët, shërbimi mjekësor , kirurgët, sterilizimi e kirurgjia janë zbatuar në këtë vend shumë vite para se të konceptohej embrioni yt !
Në çdo fjalë të kryeministrit vërehet arroganca e një sharlatani , ku qartë kuptohet se ky demon kërkon të intimidojë SPAK-un, drejtësinë e re , të cilën po ky vetë na e ka shitur si të reformuar e të paanshme !
Ky palo kryeministër kthen me kokëposhtë edhe Migjenin, duke quajtur derra të kënaqur denoncuesit megjithëse fort mirë e din se me ‘derra të kënaqur’ Migjeni cilëson të pangopurit, abuzuesit e pasanikët e modelit rilindas ! Unë besoj se një ditë do të përgjigjesh pra këtij populli të cilit i vodhe edhe atë pak shpirti që i kish mbetur !
