Në premierën e filmit “I love Tropoja”, që u mbajt në Pallatin e Kongreseve më 29 janar, prisnim të shihnim edhe Elvana Gjatën, pasi siç dihet ajo është mike e ngushte e Ermalit dhe bashkëpunëtorja e tij, në filmin e mëparshëm “Dy gishtë mjaltë”.
Mungesën e Elvanës në premierë e ka komentuar edhe vetë Ermal Mamaqi, i cili edhe pse e ka falenderuar për mbështetjen, në formë shakaje , e ka ironizuar atë duke i kujtuar vendin e dytë në Festivalin e Këngës.“Dua të falenderoj një njeri shumë special që ka një kontribut të barabartë me mua për këtë sukses, faleminderit shumë Elvana Gjata. Elvana Gjata nuk ia doli të vinte sot, sepse kishte një angazhim shumë të madh dhe meqë nuk ia doli, po i them nga kjo skenë: Mirë ta bënë që të vunë dysh!”. – tha ai.
Elvana nga ana tjetër ka mbështetur mikun e saj duke i promovuar filmin “I love Tropoja”, në Instagramin e saj, ku shkruan – “Të dua Ermal Mamaqi. Sot ngre një standard të ri! Bravo bravo bravo!”
