Ditën e djeshme skuadra Manchester United kompletoi transferimin e Bruno Fernandesit nga Sporting Lisbona për shifrën 80 milionë euro, teksa 55 milionë u paguan në mënyrë direkt ndërsa pjesa tjetër do të vijë në formën e bonuseve.
25-vjeçari, shok skuadre me Ronaldo-n, te kombëtarja e Portugalisë nënshkroi një kontratë 5-vjeçare dhe me opsionin për një vit shtesë.
Bruno Fernandes ka folur për këtë transferim dhe ndër të tjera ai ka deklaruar se dashuria e tij për Manchester United ka filluar teksa ai shikonte patriotin e tij teksa shkëlqente me fanellën e “djajve të kuq”.
“Dashuria ime për Manchester United filloi me të vërtetë kur shikoja Cristiano Ronaldon të luante për klubin dhe që atëherë kam qenë fans i këtij klubi të madh”.
“Për mua të luaj për Manchester United është e mrekullueshme, kam punuar fort për të arritur deri këtu dhe i premtoj fansave që do të jap gjithçka për këtë fanellë për të ndihmuar që të kemi më shumë suksese dhe trofe”.
