Nga Boldnews.al
Është kthyer thuajse në traditë që çdo ambasador i SHBA-së, në dekadat e fundit sapo merr detyrën bën një vizitë në kryepokurorin e radhës. Po ashtu sdandart thuajse janë të gjithë deklaratat ku i kërkojnë kreut të akuzës që të zbatojnë ligjin, të japin drejtësi të barabartë për të gjithë dhe se do të kenë mbështetjen e SHBA-ve në këtë nismë.
I njëti premtim, e njëjta formë, thuajse e njëjta deklaratë, por me data të ndryshme, ndodhi edhe dje në Prokurorinë e Përgjithshme, ku ambasadorja e sapoardhur në Shqipëri e SHBA-së Yuri Kim pati takoi Prokurorin e Përgjithshëm Olsian Çela.
Ambasadorja Kim nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t’i përqasen punës me mendësinë e shërbimit publik, integritetit dhe mbrojtjes së të drejtave të njeriut.
Në këtë rast të shpresohet se nuk do të jetë një qëndrim rutinë, pasi vërtetë kërkohet zbatimi i ligjit i barabartë për të gjithë, por politika gjithnjë bishtnon nga akuzat, faktet tronditëse për korrupsion apo lidhje direkte me elementë të krimit të organizuar në shitblerjen e votave.
Pikërisht sot kur në zyrën e kryeprokurorit është dosja e rëndë 184, që po bën xhiron e ndyrë Dibër-Tiranë dhe anasjelltas, ishte edhe takimi i mbasadores së SHBA-së në Tiranë.
Prokurorët e Dibrës e dërguan për të dytën herë drejt Tiranës dosjen 184 me argumentin se personat të cilët ishin nën hetim janë zyrtarë të lartë publik dhe si të tillë, duhet të hetohen nga SPAK (Struktura e Posaçme Kundër Krimit të Organizuar dhe Korrupsionit).
Me një vendim të dyshimtë, kreu i SPAK nuk e pranoi për hetime dosjen e shitblerjes së votave në zgjedhjet e parakohëshme lokale në Dibër në vitin 2016, ku në audiopërgjimet e publikuar shfaqet kryeministri Edi Rama, disa ish-ministra, deputetë dhe drejtues të lartë policie ku flitet për shantazh mbi votuesit, shitblerje votash dhe trasferime të paligjshme të zyrtarëve të lartë të policisë të implikuar direkt në zgjedhje.
Tashmë ajo dosje duhet të marrë një zgjidhje përfudimtare, pasi akush nuk dëshiron që ta ketë në duar, sepse nëse i futen hetimit të thelluar, do të duhet të bëjnë detyrën dhe të lëshojnë ndonjë urdhër-arresti për ata pushtetarë që sot janë edhe më të pushteshëm se dje.
Kryeprokurori duhet të vendosë përfudimisht për dosjen, nëse do e delegojë në SPAK (ku ka vendin), apo do e degdisë sërish në Dibër, ashtu sikurse bëri edhe paradhësja e tij Arta Marku.
Deri në një vendim përfudimtar, sinjalet publike nga SHBA janë të qarta se nga drejtuesit e institucioneve të reja të drejtësisë kërkohet zbatimi i ligjit njësoj për të gjithë, por vesi i vjetër për të amnistuar pushtetin duket se nuk po ikën lehtë. Gjithashtu në SPAK janë edhe një numër dosjesh të reja që lidhen me konçesionet në shëndetësi.
Janë prova të mjaftueshme për të kuptuar nëse kjo strukturë kaq e pompuar si elita e “drejtësisë” që do të godasë “elitën” e politikës, do e zbatojë ose jo ligjin. Opozita ka akuzuar drejtuesin e SPAK si të lidhur me pushtetin dhe sipas saj treguesi më i mirë është mospranimi për të hetuar dosjen 184.
Nga ana tjetër si kusht i Bundestagut gjerman për hapjen e negociatave të Shqipërisë me Bashkimin Europian është edhe dënimi i krimit elektoral. Dosja është aty, krimi ka ndodhur, por dënimi nuk po vjen dhe me gjasë vështirë se do të vijë.
