“Do nisim sulmin e madh”/ Rama: Marrëveshje kundër krimit të organizuar në biznes e politikë…

Kryeministri Edi Rama paralajmëroi sot nisjen e një aksioni kundër krimit të organizuar, lidhjeve të tyre në biznese dhe politikë.

Deklarata e Ramës vjen në një kohë kur disa nga kryebashkiakët e dalë nga votimet e 30 qershorit rezultojnë si subjekt i ligjit të dekriminalizimit, të paktën sipas akuzave publike të opozitës. Gjithashtu Rama është akuzuar për lidhjet e tij me persona me precedentë kriminalë, të cilët i futi në institucionet e vendit dhe Parlament.

Por përballë akuzave të opozitës, duket se Rama, pas KÇK-së, ka paralajmëruar nisjen e një aksioni të madh, sikundër u shpreh ai, për të bërë ndarjen mes bizneseve legjitime dhe atyre kriminale.

“Të punojmë që bizneset legjitime të kenë një trajtim më të mirë dhe shumë kapacitete për të projektuar për të ardhmen pa u përballur me ngjarje të paparashikueshme të administratës, nga krimi i organizuar e zhvatja.

Do arrijmë marrëveshje për një sulm shumë të madh kundër krimit të organizuar duke i kërkuar cdo personi të kërkuar për krime deri tani të provojë që asetet që ai apo ajo ka që vijnë nga biznese legjitime ndryshe asetet do konfiskohen”, theksoi Rama.

Kryeministri deklaroi se zgjidhja do jepet përmes fiskalizimit dhe sistemit të gjurmimit dhe kërkimit.

“S’kemi transparencë sa i përket transaksioneve nga biznesi në biznes, ka shumë hije në këtë veprimtari, me fiskalizimin ne do shohim çdo sekondë të veprimtarive në internet e gjitha do shkojë përmes një truri digjital që do jetë nën monitorimin e administrates fiskale, kjo do parandalojë keqbërjen nga vetë administrata.

Hapi i dytë sistemi i gjurmimit dhe kërkimit që do zbatojmë nga produktet e akcizës deri tek ato ushqimore, ujin e pijshëm e barnat.

Çdo produkt që do hyjë në treg do gjurmohet, çdo pikë karburanti që del nga rrjeti i shpërndarjes e blihet nga qytetari do gjurmohet, çdo tablet barnash apo produkt që shitet në një supermarket do gjurmohet”, tha ai.

LEXO EDHE  "Në Shqipëri pandemia e COVID u përdor për përfitim politik"/ Dasho: Ja pse sot fajësohen qytetarët

Në vijim, Kreu i Qeverisë tha se shpresonte që 2020 të jetë një vit i mirë si për BE dhe për Shqipërinë.

“Marrëdhëniet e mira me fiqnjët mund të shërbejë si themel për zhvillimin e ekonomisë tonë dhe përmirësimin e jetës së qytetarëve.

Duke qenë se më keni ftuar të flas për ekonominë meqë e di mirë se kur vjen puna te ekonomia ka gjithmonë disa hile sepse njerëzit nuk i hanë statistikat dhe si pinë shifrat dhe njerëzit me të drejtë nuk duan të krahasojnë me pikën ku ishin dje po ku duan të jenë nesër. Kjo nuk është pikë e thjeshtë.

Popullata është ulur dhe njerëzit janë larguar thuhet, por jo nuk është kështu sepse suksesi nuk vjen nga numri i personave që jetojnë tani në Shqipëri por bazuar në të gjithë popullatën.
Një shifër tjetër e rëndësishme lidhet me investimet e huaja. Kemi nevojë që të kemi më shumë investime të huaja por duke iu referuar shifrave kemi progres të investimeve të huaja.

Gjatë këtij viti do të kemi rezultate të rëndësishme për njerëzit në biznes duke e bërë më të thjeshtë komunikimin mes qytetarëve, me sipërmarrjet dhe administratën, duke e shkëputur komunikimin fizik dhe duke e kthyer në dixhital.

Brenda vitit 2020 të kemi 95% të shërbimeve të dixhitaliziara.

Kështu që personat që merren me biznes nuk kanë nevojë të shkojnë në vende të ndryshme për të aplikuar për leje dhe liçenca sepse do bëhet përmes internetit. Kjo do ndryshojë tërësisht mënyrën e komunikimit mes njerëzve dhe administratës”, tha Rama.