Kryeministri Edi Rama deklaroi nga Brukseli se Shqipëria nuk do ta ndryshojë qasjen lidhur me strehimin e muxhahedinëve, pjesëtarë të opozitës iraniane të cilët nga qeveria e Iranit cilësohen grupim terrorist.
Rama u pyet për qëndrimet ndaj Iranit në një konferencë të përbashkët për median në cilësinë e Kryetarit të OSBE-së, bashke me Sekretarin e Përgjithshëm të NATO-s Jens Stoltenberg.
“E kemi bërë si një operacion humanitar. Është një deklaratë kundër regjimit dhe s’do e ndryshojmë qasjen tonë. Duhet të mbrohen nga një regjim që përbën kërcenim për jetën e tyre. Kemi dëbuar ambasadorin në lidhje me aktivitet e tyre keqbërëse, jashtë rregullave të rregulluara nga misioni diplomatik. Është një operacion i zhvilluar bashkë me SHBA, aleatin tonë”, deklaroi kreu i qeverisë.
Lexo edhe: Dëbimi i dy diplomatëve iranianë, reagon Teherani: Shqipëria s’është në rrugën e duhur
Lexo edhe: Shqipëria dëbon dy diplomatë iranianë/ Emrat
