Disa orë më parë skuadra e Napolit, konfirmoi Matteo Politanon si lojtarin më të ri të skuadrës.
Pas 63 ndeshjesh me zikaltërit, Politano do të vazhdojë karrierën e tij në San Paolo nën urdhrat e Gennaro Gattusos.
Në fjalët e para të tij si lojtar i Napolit, Polittano ka falënderuar Interin për mundësitë që i ka dhënë gjatë kohës së tij në Milano, si dhe është shprehur i emocionuar për aventurën e re me Napolin.
“Jam gati dhe i emocionuar për aventurën time të re në një qytet kaq të bukur siç është ai i Napolit. Mezi pres që të dal në fushën e lojës me këto ngjyra”.
“Falënderoj Interin për mundësitë që më dhanë. Dua sinqerisht të përshëndetem me ata që kanë qenë pranë meje në atë aventurë, shokët e skuadrës, stafin dhe bashkëpunëtorët e tjerë”.
