Bayerni i Munihut fitoi mbrëmë 3-1 në transfertë ndaj Freiburgut, ndeshje e vlefshme për javën e 16-të në Bundesligën gjermane.
Golin e avantazhit e shënoi Lewandowski në minutën e 16-të, i cili pas një pasimi të Davies, në qendër të zonës u fut mes dy mbrojtësve, duke zhytur topin në rrjetë. Pjesa e parë mbyllet 0-1. Ndërsa në të dytën të zotët e shtëpisë barazojnë rezultatin në minutën e 59-të me anë të Grifo.
Fitorja e Bayernit do të vinte vetëm në minutat shtesë ku madje shënuan dy herë, Zirkzee në minutën e 92-të dhe Gnabry në të 95-ën. Me këtë fitore Bayerni i Munihut ngjitet i treti në klasifikim, tashmë vetëm katër pikë nga kreu.
Nga ana tjetër u rikthye te fitorja, Borussia Monchegladbach, pasi fitoi pastër 2-0 ndaj Paderborn. Me këtë rezultat skuadra barazon me pikë kryesuesit e Leipzig me nga 34 pikë.
Në ndeshjet e tjera mund të përmendim barazimin 1-1 mes Wolfsburg dhe Schalke 04 si dhe humbjen në shtëpi 0-1, të Bayern Leverkusen ndaj Hertha Berlin.
