Aurela Gaçe dhe Albërie Hadërgjonaj pas sherrit që bëri bujë mesa duket i paskan ulur gjakrat dhe kanë bërë paqe.
Aurela ka treguar mbështetjen ndaj koleges së saj duke i shpërndarë këngën me të cilën Albëria do të konkurojë në Festivalin e RTSh-së. “Tjetër ndjesi,”- shkruan Aurela krahas fotos duke lënë të nënkuptohet se i pëlqen ajo këngë.
Cila ishte zanafilla e hatërmbetjeve të tyre?
Disa muaj më parë Abërija ishte shprehur se:
“Unë nuk kam shkuar më në Kënga Magjike sepse pa fyer asnjë këngëtar, Aurela Gaçe shkon dhe i merr 5 këngëtarë me vete që këndojnë tek lokali i saj, 4-5 shokë, edhe pak respekti dhe fiton. Flori Mumajesi ka konkurrentë 5-6 këngëtarë që i kompozon këngët dhe fiton, normal si do fitoj unë? Është mes miqsh.”
Flori nuk bëri asnjë reagim, por Aurela s’e la me aq. Në një postim në Insatstory, Aurela publikoi një reagim, që në atë kohë u mor si përgjigje për Hadërgjonajn.
“A duhet kthyer përgjigje në raste kur flet goja para mendjes? Them se duhet hapur rrugë në këto raste. Fali Zot se s’dinë seç bëjnë Amen! Unë kthej përgjigje vetëm kur je i-e ligë. Me të paedukatët sillem njësoj, se plumbi del me plumb…të ligut i tregoj vendin…për ata që s’mbushin mirë, thjesht ndjej keqardhje! Janë në lutjet e mia,”– shkruante Aurela.
