20 Dhjetori, do të jetë dita e fundit që nxënësit do të shkojnë në shkolla për këtë vit. Periudha pas kësaj date do të jetë pushim në kuadër të festave të fundvitit. Shkollat të hapin dyert sërish më 6 Janar.
Lajmin e ka bërë me dije Selman Hodaj, Drejtor i Arsimit Parauniversitar në Ministrinë e Arsimit.
“Në vijim të Urdhrit të Përbashkët Nr.220, datë 11.04.2019 ‘Për miratimin e strukturës së vitit shkollor 2019-2020 në sistemin arsimor parauniversitar’, Ju bëjmë me dije se procesi mësimor përfundon më datë 20 dhjetor 2019 dhe fillon në datën 06 janar 2020”, shkruan Hodaj në një njoftim në rrjetet sociale.
“Në lidhje me zëvendësimin e orëve të humbura gjatë kësaj periudhe institucionet arsimore do të njoftohen në muajin Janar 2020”, bën me dije më tej.
