Presidenti i Republikës Ilir Meta ka reaguar në lidhje me projektiligjin e censurës së mediave nga qeveria, i cili është planifikuar të kalojë nesër në Kuvend.
Kreu i shtetit ka shpërndarë postimin e Këshillit të Europës, e cila shprehet thellësisht e shqetësuar dhe kërkon ndërhyrje urgjente për përmirësimin e saj, pasi disa nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e medieve.
Meta deklaron se Shqipëria nuk ka nevojë për rekorde të tjera negative ndërkombëtare dhe se pa media të lirë dhe të pavarur, rruga e Shqipërisë drejt Bashkimit Europian është e pamundur.
Postimi i plotë:
Shqipëria nuk ka nevojë për rekorde të tjera negative ndërkombëtare! Mjaft me nxitimin për t’i shtuar ato më tej!
Shqetësimet e komunitetit të gazetarëve dhe të partnerëve tanë duhet të dëgjohen me shumë vëmendje dhe përgjegjshmëri! Pa media të lirë dhe të pavarur, rruga e Shqipërisë drejt Bashkimit Europian është e pamundur!
