Ministrja e Mbrojtjes Olta Xhaçka gjatë një debati me Eno Bozdon e pranoi se kanë pasur vështirësi në terren për të inspektuar të gjitha banesat për shkak të mungesës së kapaciteteve njerëzore.
“Ka ende shumë fshatra të painspektuar. Ju bëj thirrje për tu ulur në tryezë dhe për të kontribuuar. Inxhinierët tuaj të vijnë në dispozicion në terren dhe të bëhet vlerësimi financiar aq i domosdoshëm. Unë nuk e di se çfarë prisni ju nga shteti shqiptar, por gatishmëria është ajo që bënë strukturat. Të gjithë kemi patur frikë. Ka patur kakofoni të informacionit në terren për shkak të frikës dhe pasigurisë. Kaluam një ankth të jashtëzakonshëm. Ka qenë shumë e vështirë për t’u menaxhuar”, tha Xhaçka.
