Skuadra e Tottenham po kalonte një moment historik negativ në fillimin e sezonit, çka solli dhe shkarkimin e trajnerit Pochettino.
Në momentin që Mourinho u caktua trajner i Spurs, skuadra gjendej në vendin e 14-të, me 14 pikë pas 12 ndeshjesh dhe diferenca me vendin e katërt që të siguron një vend në Ligën e Kampioneve ishte plot 12 pikë larg.
Londinezët që me ardhjen e Mourinhos si trajner janë rikthyer sërish në atë ekipin e frikshëm të sezoneve të fundit.
Në këtë moment, Tottenham, gjendet vetëm tre pikë larg zonës Champions që mbahet nga skuadra e Chelsea-t. Duhet theksuar që një arsye për këtë rikuperim të madh të Tottenham në kaq pak javë, është dhe gjendja në të cilën ndodhet Chelsea, teksa kanë humbur katër nga pesë ndeshjet e fundit.
