Nënkryetari i PD-së, Edi Paloka, i ka drejtuar një apel gazetarëve për t’u bërë bashkë dhe për t’i bërë rezistencë Edi Ramës, si të vetmen mënyrë, për t’a detyruar të lëpihet.
Përmes një postimi në rrjet, Paloka shkruan se nëse gazetarët do të ulin kokat, Rama do i shkelë me këmbë. Në vijim, ish-deputeti demokrat, shprehet se Edi Ramës i duhet bërë block në media.
“Miqtë e mi , gazetarë dhe drejtues mediash, sinqerisht nuk arrij të kuptoj se si mund të kontestohet Rama e ndërkohë të transmetoni me orë e ditë të tëra gjithe palacolliqet e tij në ERTV…???!!!
Ka vetëm një mënyre për t’i treguar vendin Edvinit; bëhuni bashkë e detyroni pronarët të ruajnë të paktën dinjitetin e mediave të tyre.
Bëjini block Edvinit e do e shihni si do filloj të lëpihet siç e ka zakon kur has në rezistencë. Ulni kokën, e ai do ju shkel me këmbë e do ju poshtërojë me keq se ç’ka bërë deri tani!”, shkruan Paloka.
