Avokati Ardian Vishaj paguhet nga një trafikant për t’a mbrojtur. Ky ka lidhje me trafikantët që kur ka qenë në Prokurori. Akuzat ndaj Vishajt, i cili është avokati i Agron (Geron) Xhafaj janë bërë nga ish-deputeti Ervin Salianji në studion e Top-Channel.
“Kur ke qenë drejtor në Prokurorinë e Përgjithshme ka bërë gjithçka për të shpëtuar nga dënimi atë që ke klient sot”, tha Salianji, i cili e ka sfiduar Vishën me një fakt, të shihen qelizat telefonike të Agron (Geron) Xhafajt, Albert Veliut dhe gazetarit Jetmir Olldashi.
“Nëse nuk konfirmohet nga qelizat telefonike që Geron Xhafaj, Albert Veliu dhe gazetari Jetmir Olldashi, nuk janë në të njëjtin vend, atëherë ose unë mbaj një përgjegjësi shumë të madhe publike, ose ky zotëria që është avokat nuk duhet të gënjejë njerëzit duke i marrë para.
Albert Veliut dhe Geron Xhafajt, prokuroria ka me dhjetra komunikime telefonike, vetë klienti i Vishës e pranon, ndërsa avokati i këtij, nuk e pranon dhe gënjen publikun”, tha Salianji.
Salianji tha se prokurorë e gjyqtarë që kanë gatuar farsën për të mbrojtur Geron Xhafajn janë përjashtuar nga sistemi pasi nuk kaluan Vetting.
Duke replikuar me ish-deputetin, Vishaj, tha se Geron Xhafaj nuk ka qenë në kërkim kur ai ishte në Prokurorinë e Përgjithshme si drejtor, ndërsa tha se nuk e ka marrë përsipër mbrojtjen e klientit të tij për para.
Vishaj është akuzuar shpesh si avokat i malavitës. Mjafton një kërkim i shpejtë në internet për të parë se cilët individë apo grupe ka marrë në mbrojtje avokati që sot mbron vëllain e ish-ministrit të Brendshëm, Fatmir Xhafaj.
