Gazetari Ylli Rakipi tha se me paketën antishpifje AMA dhe AKEP do kthehen në xhandarmëri për mediat nën drejtimin e kryeministrit Edi Rama, duke e quajtur diktator.
Në një lidhje me Skype me studion e lajmeve të RTV Ora, tha se dy instrumentet komandohen nga Rama.
Ai shtoi se kryeministri është çmendur dhe nuk kupton se ka kundër të gjithë bashkësinë kombëtare
“AMA dhe AKEP janë xhandarmëri për mediat. Dhe janë në dorë të Edi Ramës. Kemi kryeministër që nuk bën punën që ka. Kur është kryeministër bën kryeredaktorin e mediave. Dy instrumentet e krijuara AMA-n dhe AKEP-in i komandon kur të dojë diktatori.
Nuk ka as AKEP as Akrep goditjen e jep Edi Rama. Ai është çmendur dhe nuk kupton se ka kundër të gjithë bashkësinë kombëtare. Nëse nuk e kupton këtë do sjellë fundin e Ramës”, tha Rakipi.
Ndërsa u bëri thirrje gazetarëve për “luftë” dhe jo bojkot.
“Në regjim duhet luftë por jo bojkot i gazetarëve”, u shpreh ai.
