Një i ri nga Libohova, në rrethin e Gjirokastrës, është zhdukur në rrethana misterioze prej më shumë se një jave dhe nuk ka asnjë gjurmë mbi vendndodhjen e tij.
Banorët e zonës tregojnë se hera e fundit kur është parë i riu ka qenë tetë ditë më parë, duke hipur në një makinë në fshatin Sofratikë, Dropull. Humbja e të riut të identifikuar si Izet Tosuni është denoncuar në polici, por deri më tani nuk ka asnjë informacion.
17-vjeçari Izet Tosuni punonte si bari në fshatrat e Dropullit. Policia e Gjirokastrës e ka shpallur në kërkim. I riu, raportohet se vuante nga probleme të shëndetit mendor.
