Luhen sot 6 takime për llogari të javës së 16-të të kampionatit italian.
Juventusi luan në shtëpi ndaj Udinezes, ndërsa kryesuesit e kampionatit të Interit luajnë në një transfertë të vështirë siç është ajo e Fiorentinës.
Juventusi vjen në këtë ndeshje pas dy zhgënjimeve radhazi, barazimi në shtëpi ndaj Sassuolos dhe humbja 3-1 ndaj Lazios dhe për pasojë fitorja është rezultati i vetëm që i kënaq ata nga kjo sfidë.
Nga ana tjetër, Interi, kërkon fitoren për të mos e dorëzuar kreun e tabelës, pasi diferenca mes dy skuadrave është vetëm 2 pikë. Për Zikaltërit do të mungojnë tre mesfushorët Nicolo Barella, Stefano Sensi, dhe Roberto Gagliardini që i shtohet dhe mungesa afatgjatë e Alexis Sanchez.
Në krahun tjetër, lajme të mira për Juventusin, ku lojtarët Rodrigo Bentancur, Douglas Costa dhe De Ligt i janë rikthyer stërvitjes dhe do të jenë nën urdhrat e Sarrit, ndërsa për bardhezinjtë do të mungojnë Miralem Pjanic dhe Juan Cuadrado për shkak kartonësh.
Në takimet tjera, Milani luan në “San Siro” kundër Sassuolos, ndërsa Roma në “Olimpico” ndaj Spal.
