Kreu demokrat Lulzim Basha përmes një postimi në rrjetet sociale kujton 9 vjetorin e lëvizjes pa viza të qytetarëve shqiptarë në hapësirën Schengen. Madje Basha bën edhe një premtim, kur thotë se do të bëjë gjithçka për t’a mbrojtur këtë arritje dhe për të plotësuar shpresat dhe dëshirat e gjithësecilit prej jush për Shqipërinë anëtare të Bashkimit Europian.
“9 vjetori i lëvizjes pa viza, Basha mesazh për shqiptarët.
Të dashur bashkëqytetarë!
Para 9 vitesh, si Ministër i Brendshëm, shoqërova grupin e parë të studentëve dhe të të rinjve shqiptarë që udhëtuan pa viza në Bashkimin Europian. Bashkë, plotësuam një ëndërr, lëvizjen e lirë të shqiptarëve.
Sot, dua t’ju uroj të gjithëve dhe t’ju garantoj se do të bëj gjithçka për ta mbrojtur këtë arritje dhe për të plotësuar shpresat dhe dëshirat e gjithësecilit prej jush për Shqipërinë anëtare të Bashkimit Europian”, shkruan Basha në rrjet.
