Nënkryetari i PD, Edi Paloka reagon pas urdhër-ndalimeve të lëshuara nga Prokuroria e Durrësit në vazhdën e hetimeve për tërmetin e 26 Nëntorit, që solli 51 viktima.
Paloka vë në dukje se emri i Vangjush Dakos, sipas tij, krye-përgjegjës i shkatërrimeve të pallateve në Durrës, nuk figuron në listën e urdhër-arresteve të organit të akuzës.
Paloka thotë se kryeministri Edi Rama “po kërkon ta nxjerrë dhe një here Gjushin ‘akullore’”. Fjalë kjo e përdorur nga Dako për veten (për të treguar se ishte i ‘pastër’), pas publikimit të përgjimeve të dosjes 339, që nxorën në pah shit-blerjen e votave nga PS në zgjedhjet e 2017-ës, ku Dako komunikonte me pjesëtarë të grupeve kriminale.
Reagimi
Në një postim në FB, Paloka shkruan:
Rama e nxorri Gjushin prape “akullore”…!!!
Sipas drejtuesve te policise dhe prokurorise ne Durres ; pas “nje pune intensive, dy javore” u gjenden dhe “fajtoret” e katastrofes. Plot 17 urdher ndalime…
“Fajtoret” rezultokan disa inspektore lagjesh, ndonje “ndertues informal” e me siguri do dalin dhe bojaxhinjte e pallateve!
Gjushit nuk i del emri kurrekund!!!
Ne Durres e di dhe qytetari me i fundit se Vangjush Dako eshte kryepergjegjes per kete situate, jo vetem se ka mbi dhjete vjet qe drejton si kryetar bashkie, por edhe sepse privatisht ka qene i implikuar direkt, me firmen e tij “3D” , ne ndertimin e shumices se pallateve te demtuara. Kete fakt e kane denoncuar dhe keto dite me dhjetra qytetare durrsak. Gjushi jepte lejet, Gjushi supervizonte, Gjushi jepte betonin e firmes se tij, Gjushi edhe ndertonte me firmen e tij !
Po pse atehere emri i Gjushit nuk del ne listen e polico-prokurorise se Durresit?!
Shume e thjeshte dhe e qarte per kedo; Gjushi ka mbrojtjen direkte te Rames i cili gjate gjithe kesaj kohe po kujdeset personalisht qe mos preken pergjegjesit e vertete, po si ne gjithe rastet e tjera, te mbyllen skandalet me ca “koka turku” nga rradhet e ushtareve.
Rama po kerkon ta nxjerre dhe nje here Gjushin “akullore” dhe kjo ben sens. Gjushin deri dje ne Durres e quanin “Bankomati i Rames” ! Ne fakt tanime eshte me prova se Gjushi e ka PAGUAR ( me kuptimin me te pare te fjales) imunitetin e tij, prandaj ne vend qe te ishte ne qeli, eshte rikthyer me urdher te Rames ne zyren e bashkise per te rregulluar “ATO LETRAT”.
