Luhet ditën e sotme java e 17-të, e Premier Ligës angleze, ku në fushë zbresin Kampionët e Europës Liverpooli, dhe Chelsea i drejtuar nga Frank Lampard.
Liverpooli kryesues luan ndaj Watford, skuadër e cila gjendet në fundin e tabelës, dhe do të kërkojë fitoren e tetë radhazi në kampionat.
“Të Kuqtë” do të bëjnë pa Dejan Lovren, Joe Matip dhe Fabinho të cilët janë të dëmtuar. Ndërsa Shaqiri i cili nuk u aktivizua në ndeshjen e Championsit ndah Salzburg mund të aktivizohet në këtë ndeshje.
Ndërsa nga ana tjetër Chelsea, nuk po kalon një moment të mirë, ku kanë humbur tre nga katër ndeshjet e fundit në Premier Ligë, e fundit ndaj Everton në trasnfertë 3-1. Gjithsesi Chelsea ndodhet në zonën Champions, ku mban vendin e katërt me 29 pikë dhe sot përballet ndaj Bournemouth e cila regjistron 5 humbje radhazi.
