Carlo Ancelotti pas shkarkimit nga ana e Napolit, përflitet për një kalim te skuadra e Arsenalit.
Ndërsa në një intervistë për mediat Britanike, legjenda e klubit të Arsenalit, Alan Smith, ka deklaruar që klubi duhet të caktojë “një trajner novator dhe inspirues”, duke kundërshtuar një marrëveshje të mundshme me Carlo Ancelottin.
Pavarësisht sukseseve të italianit në Europë, sipas Smith, Arsenal duhet të vihet në kërkim të Mikel Artetës.
“Unë besoj se situata kërkon një trajner inovativ dhe inspirues, dikush me aftësinë që të instalojë shpejt vizionin e të ardhmes së klubit. Për mua dikush si Carlo Ancelotti do të ishte zgjedhja e gabuar”.
“Ai ka qenë shumë i suksesshëm, por ai i përket stilit të vjetër të trajningut. Arsenali nuk kërkon atë gjë tani”.
“E thashë javën e kaluar dhe po e them dhe tani, Mikel Arteta është i duhuri. Shpresoj dhe që bordi drejtues të jetë në të njëjtin mendim si mua”. – shtoi ai për “Evening Standard”.
