Tërmeti, mbi 15 të ndaluar në Durrës, zyrtarë e privatë

Prokuroria e Durrësit ka lëshuar mbi 15 urdhër-ndalime, në kuadër të hetimeve që nisën kryesisht pas tërmetit tragjik të 26 Nëntorit.

Urdhërat e ndalimit janë nxjerrë pasditen e djeshme nga grupi hetimor prej tre prokurorësh dhe janë zbatuar në vijim nga Policia e Shtetit.

Për momentin, nuk bëhet i ditur identiteti i personave të ndaluar, por burime nga grupi hetimor flasin për zyrtarë dhe ndërtues.

LEXO EDHE  VIDEO/ Ceremonia te varrezat e ushtarëve grekë në Këlcyrë, policia ngre postblloqe

Për momentin, Prokuroria e Durrësit ka regjistruar procedim penal për “vrasje në rrethana cilësuese”, parashikuar nga neni 79 i Kodit Penal.

Gjithsesi, hetimi është në hapat e parë dhe, në bazë të veprimeve të tjera proceduriale do të konkludohet për akuzën që mund t’u atribuohet personave përgjegjës. /Boldnews.al/