Juglindja e vendit është zbardhur nga dëbora, megjithatë, ARRSH raporton se nuk ka probleme në qarkullim e mjeteve në të gjitha akset kombëtare.
“Në Qarkun Korçë gjatë natës ka pasur reshje shiu dhe dëbore. U punua dhe po punohet në: Qafën e Qarrit-Korçë-Ersekë, në Rrugën e Dardhës, Rrugën e Voskopojës.
Nuk ka probleme në qarkullim e mjeteve në të gjitha akset kombëtare.
Rekomandohet përdorimi i zinxhirëve në Rrugën e Dardhës për mjetet e vogla.
Puna do të vazhdojë pa ndërprerje gjatë ditës nga Kontraktorët e mirëmbjajtjes nisur edhe nga parashikimet e motit për orët në vijim.
Drejtuesit e mjeteve që zgjedhin të kalojnë këto akse të tregohen të kujdesshëm, të respektojnë sinjalistikën dhe udhëzimet e Policisë Rrugore”, raporton ARRSH.
