27 plumba ka marrë në trup Andi Zylyfi, i cili mbeti i vrarë mbrëmjen e djeshme në një atentat mafioz në afërsi të fshatit Përparim në Peqin, ka marrë 27 plumba në trup. Kjo ka dalë në dritë nga ekspertiza që ekspertët mjeko-ligjorë kanë kryer.
Mësohet se Zylyfi ka qenë në një lokal buzë rrugës nacionale Elbasan-Peqin, ku një automjet ka ndaluar shumë pranë lokalit nga ku ka zbritur një person i maskuar i cili ka qëlluar me breshëri plumbash Zylyfi, për pasojë humbi jetën.
Gjithashtu i plagosur mbeti shoku i tij, Ardit Uruçi, i cili mori një plumb në kokë dhe disa në këmbë. 23-vjeçari është transportuar në spitalin e Traumës ku edhe ndodhet jashtë rrezikut për jetën.
Policia është duke hetuar për ngjarjen në shumë pista, pasi viktima ka lidhje me atentatin e një viti më parë në Bradashesh të Elbasanit ku mbetën të vrarë tre persona.
Burimet bëjnë me dije se Andi Zylyfi është kushuriri i parë(djali i hallës) së Endrit Alibej. Ky i fundit mbeti i vrarë në një atentat me armë rreth një vit më parë. Në këtë atentat u vra edhe Arben Dylgjeri 56 vjeç, si dhe një shtetas turk i quajtur Erdal Duranay. Endrit Alibej, 34 vjeç, një nga tre personat e ekzekutuar në Elbasan mbrëmjen e 29 dhjetorit të vitit 2018, rezultonte i arrestuar për trafik ndërkombëtar droge. Endrit Alibeaj (Dylgjeri) mendohet se ka qenë shenjestra e atentatit vitin e kaluar ku mbetën të vdekur tre persona.
Gjithashtu një pistë tjetër ku po hetohet është edhe detyra si punonjës policie e babit të Andi Zylyfit në burgun e Peqinit.
