Kryeministri i Kosovës, Ramush Haradinaj, ka ndarë me ndjekësit e tij në Facebook lajmin e trishtë se ka humbur një nga miqtë e tij të mirë.
“Me pikëllim mora lajmin për vdekjen e z. Halim Haxhijaha, mikut tim dhe një nga njerëzit më punëtorë e më të devotshëm që kam takuar.
Baca Halim, si një afarist i njohur, arriti të kontrubuoi shumë në zhvillim ekonomik dhe hapjen e vendeve të reja të punës, jo vetëm në Rahovec por edhe në gjithë vendin.
Si një atdhetar i pashoq, baca Halim, ishte i zoti në punë, në familje dhe do të kujtohet përherë, për vlerat njerëzore dhe atdhedashurinë që e ndau me të gjithë ne.
Ngushëllime të sinqerta familjes, miqve dhe të gjithë atyre që e njohën bacën Halim!
RH”, shkruan Haradinaj në postimin e bërë në Facebook.
