Legjenda braziliane, Ronaldinho, nuk nxiton ta quajë Messin si lojtarin më të mirë në histori.
Gjatë një interviste për “Marca”, ai e uroi argjentinasin për Topin e Artë të gjashtë të tij duke e konfirmuar atë si lojtarin më të mirë aktualisht por ka dyshime për sa i përket më të mirit në histori.
“Më bëhet qejfi që Messi fitoi Topin e Artë. Gjatë kohës kur luaja me Barcelonën ne ishim shokë”.
“Por nuk më pëlqen të krahasoj, dhe e kam të vështirë të them se kush është më i miri i historisë”.
“Janë Maradonna, Pele, Ronaldo… është vështirë të thuash që Messi është më i miri që ka parë bota. Por mund të them që është më i miri aktualisht”.
