Karriera futbollistike e Mbappe ka arritur majat në një kohë të shkurtër, teksa fillimisht talenti i tij u vu re kur luante për Monacon, ndërsa më pas u transferua te Paris Saint-Germain ku po merr përmasat e një talenti të rrallë.
Ylli francez ditën e mërkurë shënoi golin e tij të 100 në karrierë në nivel klubi, duke kaluar Cristiano Ronaldon dhe Lionel Messin në të njëjtën moshë.
Mbappe e arriti këtë shifër në moshën 20 vjeçare e 356 ditë, dhe në këtë moshë as Ronaldo e Messi nuk i kishin arritur 100 gola. Messi e arriti këtë shifër në janar të vitit 2010 kur mosha e tij ishte 22 vjeç e gjashtë muaj, ndërsa Ronaldo në janar të vitit 2008, 22 vjeç e 11 muaj.
