Real Madridi mund të braktisë ndeshjen “El Clasico” kundër Barcelonës. Situata në qytetin spanjoll është shumë e frikshme për shkak të protestave të ashpra të udhëhequra nga “Tsunami Demoractic”. Ndeshja e parë u shty pikërisht prej lajmeve të ndërhyrjeve të kësaj force kundrejt ekipit madrilen.
Sfida që do të luhet më 18 dhjetor në Camp Nou shoqërohet sërish me frikë. Rruga nga aeroporti në hotel, nga hoteli në Camp Nou dhe nga stadiumi në aeroport duket se do të jetë dhe fushëbeteja e protestuesve. Bordi drejtues i Real Madrid-it është mbledhur dhe kanë dalë në vendimin e papritur.
“El Chiringuito” informon se nëse nuk përcillet siguri për rrugën që do të ndjekë ekipi, Reali nuk do të zbresë nga avioni dhe do të braktisë ndeshjen. Një situatë e tillë mund të krijonte panik në Spanjë dhe në ecurinë e kampionatit. Situata duket alarmante dhe drejtuesit nuk duan të rrezikojnë yjet e tyre duke lidhur dhe një paralele me SuperClasicon ndërmjet Riverit dhe Bocas kur autobusi i këtyre të fundit u sulmua në rrugët e qytetit në derbin e Argjentinës.
🚨 ¡OJO! El Madrid no se bajará ni del avión si no tiene la seguridad garantizada.
👉 Información de @jfelixdiaz desvelada en @elchiringuitotv. #JUGONES pic.twitter.com/TPLJL2wUuI
— El Chiringuito TV (@elchiringuitotv) December 12, 2019