Gigi Buffon luajti si titullar mbrëmë në fitoren e Juventusit ndaj Leverkusenit.
Në intervistën pas ndeshjes për “Sky Sport Italia”, ai deklaroi se i duhet t’i pranojë kritikat për të vazhduar karrierën të Juventusi, si dhe shprehu lumturinë e tij për dy skuadrat e tjera italiane të cilat kaluan fazën e grupeve siç janë Napoli dhe Atalanta.
“Është gjithmonë emocionale të dëgjosh himnin e Ligës së Kampioneve, veçanërisht pasi ndeshja e fundit për Juven nuk ishte një kujtim pozitiv”.
“Ndihem mirë fizikisht dhe mentalisht, nëse i qasemi ndeshjeve në këtë mënyrë siç bëmë sonte, jam i sigurt që mund të bëjmë gjëra të mëdha”.
“Rreth kritikave që kam marrë, dua të theksoj se nëse dua të vazhdoj të luaj për Juventusin, më duhet t’i pranoj ato. Gjithmonë kam reaguar mirë ndaj tyre, ku kritikat më kanë bërë më të mirë. Sigurisht jam në një moshë të madhe, dhe kritikat kanë tendencë rritjeje në këtë fazë që jam, veçanërisht në një klub siç është Juventus”.
Duke folur për skuadrat e tjera italiane që kaluan grupin, ai deklaron:
“Dua të falënderoj Napolin dhe Atalantën, sepse të shikosh çfarë ato po arrijnë është sinqerisht emocionale. I dërgova mesazh Gasperinit pas ndeshjeve të para dhe i thashë, që të besonte, sepse ata janë një ekip që mund të mundin këdo. Ata mund të humbin ndaj kudo por në ditën e tyre mund të mundin dhe skuadrat e mëdha”.- përfundoi Buffon.