Kryeministri Edi Rama është takuar sot me banorë të Krujës dhe Mamurrasit, zona të prekura nga tërmeti i 26 nëntorit.
Një pjesë e banorëve në këto zona jetojnë në çadra, ndërsa Rama nuk ka nguruar të bëjë batuta, por edhe të paralajmërojë ata që po i dëmtojnë vetë banesat.
“Kjo shtëpi është e regjistruar si e dëmtuar nga tërmeti dhe do të bëhet nga e para. Por t’a harrojnë ata që kanë marrë varetë dhe po prishin muret se do të përfitojnë.
Do të ngelen në fushë, pa shtëpi, çfarë shtëpish janë regjistruar, janë regjistruar. Ato që po i prishin vetë shtëpitë me synimin që të përfitojnë shtëpi të re asnjë gjë nuk do të marrin”, tha Rama, ndërsa deputetë që e shoqëronin dhe përfaqësues të pushtetit vendor e pasuan me të qeshura.
