Kryeministri Edi Rama ditën e djeshme u ndal në Shijak, ku inspektoi dëmet nga tërmeti. Teksa ecte duke parë nga jashtë banesat e prishura, një grua e ndaloi dhe i shpjegoi hallin e saj, duke shtuar se Shijaku ka marrë jehonë për drogë por për hallin e tyre nuk pyet njeri.
“Shtëpia është e pabanueshme dhe ne jemi dy pleq vetëm”, tha gruaja në fjalë.
Kryeministri u shpreh se për pensionistët që jetojnë vetëm kanë planifikuar që t’i transferojnë në Tiranë, porg ruaja ia ndërpreu sërish fjalën.
Debati
Gruaja: Thashë se na braktisi kryeministri
Rama: Pse, unë kam ardhur
Gruaja: Ti ke ardh, por ke qenë atje ku kërcejnë valle
Rama: Po mir unë s’do bëhem copash. Kam qenë atje ku kam qenë. Unë copash bëhem por tani…
Gruaja: Jojo, ti rrofsh që erdhe, por unë thashë…Se kur bëhet fjalë për drogën në Shijak e merr vesh gjithë bota
Rama: Po çfarë droge mi?
Gruaja: Jo, jo, bie fjala që e marrin vesh të gjithë, ndërsa për ktë hallin tonë s’merret vesh…Se qenke zgjat edhe njëçik
Rama: Po, po jam zgjat që nga hera e fundit që jemi parë në televizor (ndërkohë që përpara i doli edhe burri i gruas që përmendi drogën)
Burri: Shiko, ne jemi dy pleq. Burri asaj jam unë. Pensionistë jemi. Po m’ka frikë mua ajo. Se këtu urdhërojnë burrat jo gratë.
Rama: Ja shpjegova të gjitha gruas e di gruaja këtë punë. Në shtëpinë time, gruaja komandon dhe ti ke humbur po s’e le veten në dorë të gruas. Ik se e di ajo, se nuk i bën punët vetë ti, ti bën gruaja.
Momenti në video pas minutës së 12:44
