Tërmeti/ Meta: Asnjë informacion zyrtar për situatën, gjendje lufte…

Presidenti Ilir Meta deklaroi mbrëmjen e sotme se nuk ka marrë asnjë informacion zyrtar për situatën në vend, pas tërmetit të 26 Nëntorit.

Në studion e emisionit “Fakt”, kreu i shtetit shpjegoi se si veproi pas tërmetit 6.4 të shkallës Rihter.

“Kam qenë në shpi, fillimisht kam menduar që nuk ishte tërmet i këtyre pasojave që rezultoi. Për fat të keq s’kam pasur një informacion zyrtar shtetëror që është kjo situatë, është një gjendje lufte për mua. Unë skam pasur asnjë informacion zyrtar. Sapo kam marrë informacion që në Durrës ka disa persona që janë nën rrënoja të disa godinave, kemi njoftuar përmes punonjësve të gardës policinë e Durrësit për të dhënë ndihmën dhe sapo kam marrë vesh qe kemi marrë pasur një viktimë në Kurbin nga mediat kam kuptuar se kemi një situatë serioze, më pas kam shkuar në spital te trauma dhe më pas në Thumanë”, tha Meta.

LEXO EDHE  Vodhën 84 mijë euro/ Si i manipulonin kartat bankare nëna me të bijën në Durrës

Kreu i shtetit foli edhe për shkresën që në Korrik i dërgoi qeverisë pas tërmetit në Korçë dhe raportimeve në mediave që i referoheshin një sizmologu grek, i cili paralajmëronte për një tërmet të fuqishëm në Rajon. Meta tha se duhen dëgjuar shkencëtaret.

“Shkresa u dërgua në 29 korrik. Në qershor ka rënë një tërmet në Korçë që nuk la pak pasoja që s’janë mbyllur deri më sot. Ka pasur paralajmërime serioze nga drejtues të qendrave të rëndësishme sizmologjike të vendit tonë, që janë reflektuar në mediat ndërkombëtarë. Këto më kanë detyruar të bëj një shkresë të tillë, si president duhet të jem i vëmendshëm për çështjet që prekin jetën e qytetarëve”, tha kreu i shtetit.