Ter Stegen turpëron Hazard, portieri i Barcelonës ka më shumë asiste se belgu

Mbrëmjen e djeshme ishte një natë argëtuese për ekipin e Barcelonës, ku Lionel Messi shënoi hat-trik, dhe Luis Suarez shënoi një gol fantastik me thembër.

Por gjithashtu, edhe portieri Ter Stegen kishte arsye për të festuar. Në golin e parë të realizuar nga Griezmann, asistimi ishte i tij, teksa topi i goditur prej gjermanit përfundoi drejt e në këmbët e francezit, i cili duhet theksuar që bëri gjithçka mirë më pas, duke shënuar golin që hapi ndeshjen.

LEXO EDHE  Video/ Nuk i akordoi penallti, ish-lojtari i Zeniti-t bën për spital arbitrin

Ky ishte asistimi i dytë i Ter Stegen në këtë sezon, teksa të parin e arriti në muajin shtator ndaj Getafes. Ndërsa një statistikë interesante është se blerja e re e Real Madrid, Eden Hazard, i cili njihet për numrin e lartë të asisteve, këtë sezon numëron vetëm 1 në kampionat, ndërsa portieri i Barcelonës 2.

Statistikë që gjithsesi pritet të ndryshojë shpejt.